အိမ်ထောင်ပြုတယ်ဆိုတာက ဘာမှမသက်ဆိုင်တဲ့ ဆန့်ကျင်ဘက်သူစိမ်းလူသားနှစ်ဦး အတူတစ်ကွ ပေါင်းသင်းတာပဲလေ။ အတူတကွ နေလာခဲ့ကြပြီးမှ စိတ်သဘောထားခြင်း မတိုက်ဆိုင်တော့လို့တို့၊ မေတ္တာမပါပဲ အချစ်တစ်ခုထဲကိုဦးစားပေးပြီ တစ်ယောက်အကြောင်းတစ်ယောက် သေချာမသိပါပဲ အိမ်ထောင်သက်လေးကြာလာတဲ့အချိန်မှာ အတိတ်က ဘာမဟုတ်တဲ့ အပြစ်သေးသေးလေး တွေကို အစပြု့လို ကွဲကွာသွားကြတာတို့၊ နောက်တစ်ခုက မျက်နှာများတဲ့ယောင်္ကျားတွေများ (အားလုံးကိုဆိုလိုတာ မဟုတ်ဘူးနော်) တိုးတက်နေတဲ့လောကကြီးမှာ မိမိအိမ်သူရဲ့ ခင်ပွန်းသည်ပေါ်မှာထားတဲ့ စစ်မှန်တဲ့မေတ္တာတွေကို နားမလည်ပဲ အသစ်အဆန်းတွေပေါ် သာယာတက်တဲ့စိတ်နဲ့ ခဏတာပျော်ရွှင်မှုကို မက်မောလို့ အကြောင်းပြချက်မခိုင်လုံပဲ ပစ်ခွာပြေးတက်ကြတာတို့ဟာ လုံးဝကို မဖြစ်သင့်တဲ့ကိစ္စတွေပါ။
၁။ မိမိအိမ်ထောင်ဖက်သည် ရောဂါဘယကင်းရှင်းပြီး ကျန်းမာရေးကောင်းဖို့ လိုအပ်ပါသည်။
၂။ ဘွဲ့ရ ၊ ခေတ်ပညာတက်ကြီး မဟုတ်ရင်တောင်မှ သင့်တင့်တဲ့ ပညာအရည်အချင်းလေးတော့ ရှိထားရပါမယ်။
၃။ နှစ်ဦးနှစ်ဖက် သင့်တင့်တဲ့စီးပွားရေး ရှိဖို့လည်းလိုပါတယ်။ မရှိသေးရင်လည်း ရှိလာအောင်ကြိုးစားပြီးမှ လက်ထပ်သင့်ပါတယ်။ တူနှစ်ကိုယ် တဲအိုပျက်မှာ ထမင်းရည်ပူလျက်ရစေတော့ ဆိုတာ သီချင်းထဲမှာပဲ ရှိပါတယ်။
၎။ မိမိပတ်ဝန်းကျင်နဲ့သဟဇာတဖြစ်အောင် ပေါင်းသင်းတက်ဖို့နဲ့ လူဝင်ဆံ့ဖို့လည်းလိုအပ်ပါတယ်။ လူကောင်းသူကောင်းနဲ့ ပေါင်းဖေါ်တက်သူ ဖြစ်ဖို့လိုပါတယ်။
၅။ စိတ်ကောင်း၊ နှလုံးကောင်း၊ သဘောထားကောင်းသူဖြစ်ဖို့ လိုသလို အကျင့်စာဂ၊ စာရိတ္တကောင်းမွန်သူ တစ်ယောက်ဖြစ်ရန်လည်း အရေးကြီးပါတယ်။
နောက်တစ်ခုက မိမိရဲ့အိမ်ထောင်ဖက် ရွေးချယ်ခြင်းနဲ့ ပတ်သက်ပြီး “ ပါသုံးပါ၊ ချာသုံးချာ၊ ကွာသုံးကွာ” လို့ဆိုတဲ့ ရှေးရိုးစဉ်လာ စကားလေးတွေကိုလည်း ကောင်းမွန်စွာ မှတ်သားလိုက်နာဖို့ လိုပါတယ်။ အဲ့ဒါတွေကတော့....
“ပါသုံးပါ” ဆိုတာ
၁။ အကြွေးတွေ ပါလာသူ
၂။ ရောဂါဘယ ပါလာသူ
၃။ အပိုစားမယ့်သူ ပါလာသူ
“ချာသုံးချာ” ဆိုတာ
၁။ ပညာအရည်အချင်း နုံချာသူ
၂။ အကျင့်စာရိတ္တ နုံချာသူ
၃။ အလုပ်အကိုင် နုံချာသူ
“ကွာသုံးကွာ” ဆိုတာ
၁။ တိုင်းနိုင်ငံနဲ့ လူမျိုးမတူ ကွာခြားသူ
၂။ အယူဝါဒမတူ ကွာခြားသူ
၃။ စိတ်သဘောမတူ ကွာခြားသူတို့ပဲ ဖြစ်ပါတယ်။
ရှေးလူကြီးများရဲ့ ပြောပြချက်အရ ထိုအချက်ကိုးချက်နဲ့ မကိုက်ညီတဲ့ အိမ်ထောင်ရေးတွေဟာ စိတ်ဆင်းရဲ၊ ကိုယ်ဆင်းရဲ ဖြစ်တက်ကြပြီး သည်အချက်တွေနဲ့ပြည့်စုံတဲ့ အိမ်ထောင်ရေးတွေကတော့ များသောအားဖြင့် အဆင်ပြေပြီး စိတ်ချမ်းသာ ကိုယ်ချမ်းသာ ရှိကြတယ်လို့ ဆိုပါတယ်။
ဝန်ခံချက်။ ။နန္ဒာမိုးကြယ်ရဲ့ သိမှတ်ဖွယ်ရာ မြန်မာ့လျှို့ဝှက်ချက်(၁၀၀) စာအုပ်ထဲက ကောက်နှုတ်ကိုးကားထားခြင်းပဲ ဖြစ်ပါတယ်ရှင်။
No comments:
Post a Comment